Pas mbledhjes së 21-të të KPSA-së në Strasburg, disa figura të Partisë Socialiste, mes tyre

JUL 09 2026 · 08:46

Pas mbledhjes së 21-të të KPSA-së në Strasburg, disa figura të Partisë Socialiste, mes tyre Taulant Balla, Evis Kushi, Pirro Vengu, Arbjan Mazniku dhe socialistë të tjerë, janë filmuar duke luajtur murlan gjatë qëndrimit të tyre jashtë vendit. Pamjet kanë ngjallur reagime të forta, pasi vijnë në një kohë kur në Shqipëri qytetarët përballen me protesta, vështirësi ekonomike dhe një listë të gjatë problemesh që presin zgjidhje. Në videon e publikuar, dy shqiptarë që ndodheshin në Strasburg u janë drejtuar socialistëve me pyetjen se me taksat e kujt po qëndronin dhe po argëtoheshin në hotel. Qytetarët kanë protestuar me thirrjet “Rama burg, Balla burg”, ndërsa në përballjen e filmuar dëgjohet Taulant Balla duke iu përgjigjur: “Ju kanë paguar”. Përtej replikës, pamjet kanë hapur një debat më të gjerë mbi distancën mes politikës dhe shqetësimeve të qytetarëve. Siç shihet, Taulant Balla bëhet keq, Mazniku s'i lëshon letrat nga dora! Ndërsa në Shqipëri mijëra qytetarë kërkojnë më shumë përgjegjësi, transparencë dhe zgjidhje për problemet e tyre, pamjet nga Strasburgu japin një tjetër panoramë, atë të një klase politike që gjen kohë për argëtim, ndërsa qytetarët presin përgjigje për hallet e përditshme. Pyetja që mbetet është nëse përfaqësuesit politikë e kuptojnë ende peshën e përgjegjësisë që mbajnë kur udhëtojnë dhe veprojnë në emër të qytetarëve që i kanë zgjedhur.