SnapInsta.to_AQOSTVXdmzDX0TJKfaHqE71LKXiV3K0ROYZyK4o-4gQfF2htZ5LU3c0iJ7Imj4D8sCvtZn9qKQR7go6QoijG1wVuyNJV3ki-TcAIFqs

JUN 19 2026 · 15:30

Në prag të protestës së paralajmëruar për ditën e diel në Kakome, ku pritej pjesëmarrja e mijëra qytetarëve nga e gjithë Shqipëria, është hequr porta që prej vitesh bllokonte aksesin drejt plazhit. Ky zhvillim vjen pas afro 20 ditësh protestash mbarëkombëtare kundër klasës politike të korruptuar, ligjeve të kontestuara dhe asaj që organizatorët e kanë cilësuar si grabitje të pasurive publike dhe private. Kakomeja është kthyer në një nga simbolet kryesore të kësaj lëvizjeje qytetare. Deri më tani nuk ka asnjë informacion se kush ka urdhëruar heqjen e portës, e cila është hequr me një vinç, por fakti që ajo është larguar vetëm pak ditë para protestës së paralajmëruar po shihet nga protestuesit si një tërheqje përballë presionit të fortë qytetar dhe mediave të pozicionuara në mbështetje të qytetarëve.